Kisska Intezaar hai ????????

Wo chal basi, wo marr gyi, bass yehi pukaar hai

Ab utho, ab chal bhi do, kisska intezaar hai ??

Haivaniyat ke naach se, ye desh sharm-saar hai

Sirf usski hi nahi, poore desh ki ye haar hai.

Jiss taraf bhi dekhiye dhool ka gubaar hai

Aankh se jo beh rha, dil ka wo ubaal hai

Seene mein sabke jal rhi, ye kaun si mashaal hai ??

Ab utho, ab chal bhi do, kisska intezaar hai ??

“CHALTA HAI” jo kehte ho, sab wohi kamaal hai

Sab usska hi nateeja hai, to kyo ye aankh laal hai ??

Neta kahein tarakki, mujhko lagta ye zawaal hai

Ab utho, ab chal bhi do, kisska intezaar hai ??

Apraadhiyo ke saamne kanoon kyo nidhaal hai ??

Sach mein bujh gyi kya Insaaf ki mashaal hai..??

Kapoot desh chala rahe, so rahe kya LAAL hain ??

Ab utho, ab chal bhi do, kisska intezaar hai ??